close
話說有一位老朋友(小學同學)，佢同我差唔多年紀，早兩年前佢就同我講佢一日既生活.........
首先，佢會5點起身，整早餐比佢老公食，因為佢老公係要好早返工既....
跟手7點幾就整早餐比一對仔女食....整既唔係普通野...西多士...糯米雞...日日唔同款....
一對仔女返左學....佢就訓一陣....11點就整午餐....送去學校....
跟住就買餸準備晚餐....4點到就去揍仔....返屋企做功課....之後煮飯....完成一日既工作已經9點多.....

我聽完之後就覺得...做得咁辛苦...老公同仔女應該覺得好幸福，好開心....
但佢一對仔女同老公已經習以為常，覺得佢咁做係應該的....反而有時想休息一下...家人都會不滿......
果一刻我覺得我朋友好傻....仲咩要做慣手勢...

到左今日....我好似步左朋友既後塵....一心想做D好既野食等佢地開心下.....
開頭真係幾開心架...整D野出黎呀仔同老公都好有興趣.....
到左而家佢地好似覺得.....呀媽/老婆咩都整到出黎架啦.....有咩咁特別吖~(又唔知我諗到頭都爆...準備一餐餸可能用上幾小時)
到整返D簡單既野....就會話....吓....食呢D咋??

聽到/見到佢地既反應.....真係有D心淡....唔通人真係唔寵得既??



arrow
arrow
    全站熱搜
    創作者介紹
    創作者 seebi 的頭像
    seebi

    seebi 發表在 痞客邦 留言(6) 人氣()

    E-mail轉寄